جارتي سرقت جوزي

أتجوزت جوزي عن حب سنين مش يوم ولا شهر كافحت معه وبدأت معه من الصفر او يمكن تحت الصفر ورقفت قدام الكل وغمضت عني عن احلام البنات في عفش كويس ولبس وكده ورضيت باقل القليل المهم اننا نكون مع بعض وفعلا بقينا مع بعض وفرحه عمري كلها خلاص حصلت مرت الايام وبقيت احبه اكتر من الاول وبقي كل حياتي

ومقدرش ابعد عن لحظه لدرجه لما يروح الشغل ببعت له رسايل مالهاش اخر

وربنا رزقني باجمل طفله وحسيت اني ملكت الدنيا وسعادتي اكتملت

ولكن ظروف الحياه وطلبات البنوته كانت مرهقه قوي وهو مرتبه يادوبك مكفي ففكرت اشتغل واساعد وفعلا لقيت شغل لكن البنت هوديها فين

لو وديتها لامي هدفع مواصلات بنص المرتب وكنت بتكلم قدام جارتي اللي اعتبرتها اخت ليه ومن يوم ماسكنت وهي ونعم الجاره وادب واخلاق قالت انا هاخدها وروحي واطمني

وجارتي كانت ارمله بدون اولاد وبصراحه فرحت اني لقيت الحل وفعلا رحت الشغل وخليت البنت عندها

وكانت الامور عاديه ماشيه كويس وفي بوم تعبت شويه وطلعت بدري من الشغل ورجعت البيت وطبعا عديت اجيب البنت

لكن قبل مااخبط عليها سمعت صوت جوزي جوه مكنتش مصدقه وضربت الجرس لقيت جارتي طالعه علي سنجه عشره ومكياج كامل ولبس مدندش وقالت لي خليكي وانا هجيب البنت سبتها ودخلت جوه لقيت جوزي مستخبي عندها

طبعا كانت صدمه عمري وقعدت اصرخ وانهرت

ده جزائي انا عملت ايه علشان يخوني وهروح فين بالبنت واقول ايه لاهلي اللي كانوا معارضين جوازي وهو بيقولي فضحتيني ولازم اتجوزها علشان سمعتها وسمعتي واخبطي دماغك في الحيطه هموت من القهر اعمل ايه