الخيانه الزوجيه

أنا راجل في منتصف الاربعينات وزوجتي اصغر مني بسنتين في البدايه احب اقول انا في ابتلاء وفيه اللي مكفيني ياريت بلاش تجريح من اي حد

انا عندي اربع بنات وقاعد في بيت اهلي انا في دور وامي بس في دور وقاعدين في قريه تبع محافظه مشارياف لكن صغيره ومراتي كان لاغبار عليها لابسه خمار وملتزمه ولكن لم يدوم الحال من فتره اتمردت جدا علي حياتنا وبقيت كل كام يوم عايزه تزور اختها اللي ساكنه في المحافظه بحجه انها تخرج وتغير جو علشان عندنا مافيش خروج وزاد الموضوع عن حده وابتدت المشاكل بينا وكلمت اختها لقيت اختها اصلامتضايقه من كتر زيازتها

وهنا دخل الشك قلبي قلت هراقبها وبالفعل راقبتها لقيت مراتي الست الملتزمه بتسافر وتقابل وتحب ولم اتمالك نفسي وطلقتها فورا في نفس اليوم ورجعت مش عارف اقول ايه للبنات وامي بس اللي حكيت لها منا في مصيبه هقول ايه

مرت سنه وعرفت انها قلعت الخمار وبقي علي الموضه ولقيتهابتكلمني وبتقولي ابوس رجلك رجعني اناندمانه قلت لها انتي خلاص مبقاش ليكي عندي مكان قالت رجعني اخدم بناتي اعتبرني خدامه ليهم

وانا محتار البنات تعبانين فعلا ومنهم اتنين عرايس في سن الجواز واحنا في قريه وكلام الناس ممكن يوقف حالهم اعمل ايه ارجعها ولا ايه علما باني لو رجعتها هقعد مع امي انا غير متقبلها كزوجه خلاص افيدوني بالله عليكم